ხიდები US & EU საუნივერსიტეტო ქალაქებთან | ტარტუ, ესტონეთი

შეხვედრების სერია განკუთვნილია ამერიკისა და ევროპის საუნივერსიტეტო ქალაქებში მცხოვრები ქართველი სტუდენტებისა და ახალგაზრდა პროფესიონალებისთვის, რომლებსაც სჯერათ საქართველოს დასავლური მომავლის და სურთ ამ მომავლის შენებაში აქტიური მონაწილეობა მიიღონ.

„ხიდების მშენებლები” არის ბიზნესპლატფორმა, რომელიც კომერციულად მდგრადი აქტივობებით აძლიერებს ქართულ დიასპორას და ხელს უწყობს საქართველოს დასავლურ ინტეგრაციას. ჩვენი მიზანია სისტემური დიასპორის შექმნა, სადაც ემიგრაციაში მიღებული ცოდნა და კავშირები მოემსახურება როგორც დიასპორაში მცხოვრები ქართველების, ისე საქართველოს გაძლიერებას.

პროექტი „ხიდები ამერიკისა და ევროპის საუნივერსიტეტო ქალაქებთან” მიზნად ისახავს იმ ახალგაზრდა ქართველი პროფესიონალების აღმოჩენას, რომლებსაც სურთ ქმედითად ჩაერთონ პროცესში, რაც სახელმწიფოებრივად მოაზროვნე ქართველ ემიგრანტებს საშუალებას მისცემს, პიროვნული და პროფესიული განვითარების პარალელურად, შეინარჩუნონ კულტურული და ეთნიკური იდენტობა და გახდნენ დამაკავშირებელი ხიდების მშენებლები საქართველოსა და დასავლეთს შორის. ეს არის ხიდები, რომლებიც თითოეულ ემიგრანტს ევროპულ, ძლიერ საქართველოში დაბრუნების შესაძლებლობას მისცემს.

ღონისძიებაზე ველოდებით ესტონეთში მცხოვრები ქართველი ახალგაზრდების იდეებისა და ინიციატივების გაცნობას, რომელთა ერთობლივად განხორციელებაც იქნება შესაძლებელი.